日日食車仔麵 (已結業)

今日出嚟佐敦行街。經朋友介紹。話佐敦渡船角有間車仔麵。因為我同我男朋友都好鍾意食車仔麵。可以過咗嚟試吓。行到過嚟。見到佢咁細間店都坐滿人。真係有啲誇張。等咗差唔多15分鐘。終於安排到座位。我上網見到好多人都推介花膠。同埋最新推出蒜油汁。所以我就嗌咗花膠。冬菇。雞翼尖。生菜加米粉。而我男朋友就叫咗雞翼。蘿蔔。墨魚丸加烏冬。所有嘅餸都好入味。睇得出個廚師真係好有心機整。花膠真係值得推介👍但係略嫌座位太小。見到人哋出面等位。我都唔好意思食咁慢😂😂