影片
更多
2025-07-06
0 浏览
今日試左一間喺銅鑼灣區性價比好高嘅日本餐廳，叫究極堂。芝麻雞翼2隻 （$38）上枱雞翼熱辣辣，外皮炸得好香脆但唔算好油，咬落去雞肉仲好嫰滑，充滿肉汁，送啤酒一流。燒油甘魚鮫 （$98）因為鍾意食燒魚但驚左食落有好多細條魚骨，所以見到有燒魚鮫就即刻叫左嚟試下。呢份燒油甘魚鮫魚皮燒得好脆，魚肉就一啲都唔乾，好有魚油香，最緊要係冇咩骨。濃湯蕃茄咖哩牛肉烏冬 （$78）蕃茄湯底足料鮮甜，食到有好多茄肉喺湯入面，同埋個湯底都幾杰身，令到每條烏冬夾上嚟食嗰陣都好掛湯，牛肉係類似肥牛，用左日式咖哩都煮，所以整體食落係唔辣而偏向有少少甜味，同埋碗烏冬同肉嘅份量都好多，同朋友share嚟食會啱啲。究極炎之丼 （$138）因為我地坐bar枱，個丼飯未上枱嗰陣已經聞到炙燒嘅香味，到食落口就覺得炙燒左帶子同蝦嘅生熟程度控制得剛剛好，唔會燒到過哂龍，配埋醋飯食係非常夾。油甘魚4切 （$68）4件魚肉都係厚切，非常新鮮肥美，果然7月食油甘魚係perfect timing。4重芝士炸蝦卷 （$48）有三件，外面嘅飯好軟熟，包住新鮮炸起嘅蝦，配埋經炙燒過的四重芝士，口感層次顯得更加分明。Orion生啤 ($78) 買
芝麻雞翼2隻 （$38）
上枱雞翼熱辣辣，外皮炸得好香脆但唔算好油，咬落去雞肉仲好嫰滑，充滿肉汁，送啤酒一流。
燒油甘魚鮫 （$98）
因為鍾意食燒魚但驚左食落有好多細條魚骨，所以見到有燒魚鮫就即刻叫左嚟試下。呢份燒油甘魚鮫魚皮燒得好脆，魚肉就一啲都唔乾，好有魚油香，最緊要係冇咩骨。
濃湯蕃茄咖哩牛肉烏冬 （$78）
蕃茄湯底足料鮮甜，食到有好多茄肉喺湯入面，同埋個湯底都幾杰身，令到每條烏冬夾上嚟食嗰陣都好掛湯，牛肉係類似肥牛，用左日式咖哩都煮，所以整體食落係唔辣而偏向有少少甜味，同埋碗烏冬同肉嘅份量都好多，同朋友share嚟食會啱啲。
究極炎之丼 （$138）
因為我地坐bar枱，個丼飯未上枱嗰陣已經聞到炙燒嘅香味，到食落口就覺得炙燒左帶子同蝦嘅生熟程度控制得剛剛好，唔會燒到過哂龍，配埋醋飯食係非常夾。
油甘魚4切 （$68）
4件魚肉都係厚切，非常新鮮肥美，果然7月食油甘魚係perfect timing。
4重芝士炸蝦卷 （$48）
有三件，外面嘅飯好軟熟，包住新鮮炸起嘅蝦，配埋經炙燒過的四重芝士，口感層次顯得更加分明。
Orion生啤 ($78) 買一送一
睇Menu嗰陣見到啤酒全日有買一送一優惠，所以即刻叫左嚟飲，食住日本野飲冰凍嘅日本啤酒，真係最夾。
张贴
