鴻發糕品 (已結業)

一間舊式粥店，除了有粥，腸粉，油器外，門口位置有各式各樣的傳統糕點，鬆糕、芋頭糕、蘿蔔糕、紅豆糕、芝麻糕、大眼糕、白糖糕、缽仔糕。。。亦有咸水角、煎堆等等。

較為鍾意芝麻糕，芝麻味夠濃;白糖糕卻帶點酸味，個人覺得唔合格。若買白糖糕，我會買同區的另一間，但不是近港鐵出口好出名的店(因自從出名後，已經唔抵食，亦唔覺得特別好味)。另外，紅豆糕都ok，但總括來說，鴻發的糕頗為油膩，若能改善一下，那就會更好。

至於另一傳統食品缽仔糕亦是值得推介，現時在坊間很難買到好食的缽仔糕，不是太甜，便是太焾，但鴻發的很有彈性，而且米漿味濃，亦不會太甜，較適合本人口味。

希望下次可以試一試它的粥。