🍫 茅台朱古力布丁
布丁香濃滑溜，食之前淋上特製茅台拿鐵醬，咖啡香同酒香交織，食落有層次。
🍊 酒釀蜜柑芝士布丁
芝士布丁本身已經好香滑，甜度啱啱好。加上蜜柑果肉同酒釀，果香同微酸即刻中和芝士嘅膩感，再添一層米酒香，口感升華到另一個層次。食完心情都愉快晒😋。
❄️ 蜜柑桂花酒釀雪燕冰蘇
呢個係全場MVP！份量超大，足夠3-4人分享。椰奶冰沙鬆化綿密，配上桂花清香、酒釀微酸同雪燕滑溜，口感爆燈。影相影咗好耐都唔易溶，打卡必點📷。
🌰 芝麻合桃糊（熟）
每日新鮮石磨，質地綿密細滑。芝麻同合桃香氣自然濃郁，甜度控制得好好，食落暖笠笠，傳統糖水嘅精髓完全呈現。好有懷舊味道👍。
🥚 八珍薑醋蛋仔
創意滿分！蛋仔外脆內軟，薑醋味唔會太嗆，反而溫和帶甜。加上醋汁掛面，食完成個人暖晒，好啱女仔養生之選💃。
將傳統糖水同現代甜品融合得好有心思，甜度控制得宜，食得又唔怕肥。加上懷舊裝潢，氛圍感十足，無分店只此一家，絕對值得專程去試！而且730pm前仲有35% off，抵食到爆💰。
推介大家約friend一齊去，邊食邊打卡，感受老香港情懷再加創意甜品，真係一流！
