酸菜魚二人份，叫咗小辣。
呢個酸菜魚無論係酸菜，魚同個汁都相當好味。個汁調味調得好好，唔會得酸菜既酸味，都幾有層次，撈飯真係一大碗都食晒，因為實在太惹味喇。湯底有少量寬粉，寬粉係大大塊薄身透明果款，如果可以多小小就好喇。
入面既魚份量都唔少，兩個人食綽綽有餘，不過有幾舊魚去骨未去清，食到細骨。
呢間餐廳新開冇耐，酸菜魚相當推薦，其實仲有川菜想試，不過兩個人食唔到咁多。
員工都好有禮貌，不過上菜速度略嫌慢咗啲，個酸菜魚都等咗有20分鐘，之後叫白飯都催咗一次先有。同個餐牌比較簡陋，白飯要問佢先知有，因為餐牌上冇寫。
不過overall 味道取勝，呢間係香港暫時食過最好食既酸菜魚。
