影片
更多
2019-03-12
531 浏览
今日下午5點只有一個人比緊錢買嘢，竟然冇人排隊，企喺側邊等食物就有3個人，我抱住BB諗住冇乜人，過去買咗手撕雞腸粉+粢飯，買完之後，後面有6個人排隊，我企喺側邊聽到D人都係買手撕雞腸粉+燒賣、手撕雞腸粉、手撕雞撈麵呢D，等咗15分鐘左右，我覺得唔對路，排我後面D人都已經拎曬食物走了，再過多5分鐘，即已等了20分鐘，只淨番我和另一個買3盒外賣嘅喺度等緊，我忍唔住上前問下收錢嗰個阿姐我D嘢到未(係有禮貌地問，冇動氣的)，但竟得到以下對話😒！阿姐好唔耐煩咁答我：『而家咪嚟緊囉！』我：『咁麻煩你，唔該我想加D甜醬』阿姐即刻好唔高興咁話我：『我哋D腸粉唔落甜醬㗎喎！』我：『下？我一直買開都有加㗎喎⋯⋯』阿姐繼續好唔高興咁話：『咁你落單嗰陣唔出聲？宜家又要我打開個蓋去加醬！⋯⋯⋯⋯⋯⋯』阿姐一直喺度話我唔早出聲要加甜醬，直到佢見到老闆娘企咗喺佢隔離，佢竟然笑笑口爆咗句：『我都係提醒下你啫！』我：『唔該你喎！不過如果你心情唔好就唔好返工喇！』🤦🏻♀️呢D阿姐真無敵！如果落單時一定要講埋要唔要甜醬，咁其實你哋喺問客要唔要辣嗰陣都可以問埋！重點係唔應該咁樣去怪個客！！等嘅時間已經夠長！服務態度又差、食物
阿姐好唔耐煩咁答我：『而家咪嚟緊囉！』
我：『咁麻煩你，唔該我想加D甜醬』
阿姐即刻好唔高興咁話我：『我哋D腸粉唔落甜醬㗎喎！』
我：『下？我一直買開都有加㗎喎⋯⋯』
阿姐繼續好唔高興咁話：『咁你落單嗰陣唔出聲？宜家又要我打開個蓋去加醬！⋯⋯⋯⋯⋯⋯』
阿姐一直喺度話我唔早出聲要加甜醬，直到佢見到老闆娘企咗喺佢隔離，佢竟然笑笑口爆咗句：『我都係提醒下你啫！』
我：『唔該你喎！不過如果你心情唔好就唔好返工喇！』
🤦🏻♀️呢D阿姐真無敵！如果落單時一定要講埋要唔要甜醬，咁其實你哋喺問客要唔要辣嗰陣都可以問埋！
重點係唔應該咁樣去怪個客！！
等嘅時間已經夠長！服務態度又差、食物質素又大不如前，個粢飯竟然係冇乜涵㗎！以後都唔會再幫襯了！！
张贴
