江戶壽司秀 (漢口道) (已結業)

今日嚟到位於尖沙咀嘅江戶壽司秀食飯，依間日式餐廳都幾有名㗎，喺網上面都見到有唔少人去食。雖然今日係星期六，但餐廳都仲有做lunch Menu，呢一點都幾好，夠晒貼心。Lunch set包一個沙律菜，漬物，味噌湯同甜品等等。沙律菜入口好清新，菜葉仲係鮮嫩嘅，非常之鮮甜。漬物醃得好入味，但唔會太鹹。特選刺身定食五種類呢個定食有吞拿魚腩，海膽，牡丹蝦同埋兩款時令魚。吞拿魚腩油脂豐富，有好香嘅魚油味，入口即溶。海膽非常之鮮甜，入口有回甘。牡丹蝦好大隻，肉質彈牙，有蝦嘅獨有香味。吞拿魚4色魚生飯定食有大施羅，吞拿魚蓉等等，好足料，魚肉又夠新鮮。今次因為餐廳無白飯，所以用咗醋飯，醋飯比較軟身，入口仲係暖和嘅，配上吞拿魚黎食真係好正。整體來講，今餐其實都幾抵食，星期六都可以食到lunch set之餘，食物質素仲唔錯添。❤️江戶壽司秀 (漢口道) (尖沙咀)尖沙咀漢口道19-21號漢宜大廈地下H號舖#尖沙咀美食 #尖沙咀好去處 #hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日