小王子甜品 (已結業)

明明啱啱食完牛角晚間放題，叫到成枱都係肉，又飲野又飯咁飽到飛起。轉個頭都係要食甜品滿足下順便吹水。朋友率先搵到呢間，望落好特別。最近戲院做美女與野獸有枝好靚嘅玫瑰花，呢間餐廳門口都有，因為係以小王子嘅故事為主題嘅餐廳。好靚呀一行4人，甫坐下即叫waffle，要時間整嘛。叫左自製士多啤梨果醬窩夫配雪糕(1個朱古力，1個曲奇)，杯仔入面係maple syrup。士多啤梨好甜，果醬都好好味。仲有竹炭黑白芝麻窩夫配芋頭雪糕，芝麻好香，整件事好夾。最後係綠茶木糠布甸，由於唔鍾意個味道所以完全無記住叫咩名。