麻布茶房 (已結業)

行完mikki一田，旁邊就見到呢間，性價比高！抱著試下好唔好食的心態入去，兩個人食，主餐加晒野飲又加甜品，食到乜咁，埋單都$350，好食又CP！

叫得既都好好味，例如烏冬配豬飯$108！質素比想像中好，唔係圓圓烏冬，而係稻庭烏龍麵，唔爛，實淨的 。好彩我肚餓加大食，都食得落烏冬加埋個飯。

肉眼配飯都好足料。牛肉比較厚身，汁另上，非常好。小菜仲可以係幾款入面揀2款，我個時揀左薯條，薯條大條好味，唔係粉，仲有味增湯有豆腐，不死鹹，但比較淡味。

最後，仲有半價加甜品！唔洗周圍搵，都有飯後甜品食。整味道都好好味，初頭以為紫薯的味道會好假，但好喜出望外地真，就好似無添加甜味咁。