雖是街坊小店，環境尚算乾淨企理，座位空間寬濶，輕鬆舒適。
備有大圓枱，一大班朋友一起吃飯也可以同坐！
店內汽水櫃，發現有玻璃瓶裝汽水，懷舊興致突發，即點一瓶，懷舊一番！
依舊是可樂的味道，但瓶裝飲起來就是不一樣 😂😂😂😂
小食點了青椒皮蛋$58，皮蛋是流心的，一隻開六件，刀功了得 👍攞盤也有點心思，抵讚！
小食以外，點了幾款家常菜式，先是家鄉樟茶鴨半隻$118，鴨肉薰得頗香，鴨肉乾身，香氣撲鼻，鴨肉唔韌，甚有特式！
海味雜菜煲$88，家常小菜，份量足料，蔬菜新鮮，味道不錯！
黑椒薯仔安格斯 $108，黐滿了異常惹味的醬汁，不論薯仔還是牛肉粒，都非常好食！牛肉唔韌，更是值得一讚！
梅菜扣肉$68，又是另一道十分鍾愛的菜式，自煮實在功夫重重，到餐廳食才是王道！豬腩肉軟腍入味，吸滿了肉汁的梅菜，亦是美味非常。
隨便一叫已經放滿一桌，有菜有肉，實在豐富得很！令人相當滿意！
