駿明苑茶餐廳

营业中

休息中

一直住係大埔但第一次食嘅茶餐廳，完全超出預期，好後悔冇早啲試。茶餐廳選擇超級多，一定有啱心水嘅碟頭飯。椒鹽豬扒飯，一直都係我食茶餐廳必點嘅飯好多塊豬扒，但又唔算好油，調味夠，好好食！椒鹽鮮魷炒麵，第一次見呢個組合，完全滿足我嘅重口味。下面其實係豉油王炒麵，再加椒鹽鮮魷係上面。外賣送到屋企啲鮮魷都keep到仲係脆，正！！！大埔茶餐廳黎講真係算好好食，一定會再幫襯，下次試埋佢啲炒粉麵飯。