尚壽司 (已結業)

昨晚在大埔行街，忽然想食日本野，去左幾間都好多人在門外等位。
剛好經過尚壽司，見冇乜人在門外等候，所以決定一試。

不用多久便有入座真好，叫了一些刺身，當中包括了特大活赤貝刺身。

先食了一些壽司，由於坐在吧枱，可以看到各師父們的手藝，以及製作過程。
正享用尚雜錦剌身的時候，亦一邊看師父開赤貝。十分期待。

但令人失望的事就發生，師父完成了的活赤貝遲遲未到，明明看到侍應生想拿出來，
卻被他們的經理打回頭，起初還以為有問題，但結果並非如此。

過了很久，那個經理親自入去拎那個刺身，給了我身後那枱相信是他們的vip。
但那vip是比我還要遲來的，不是應先給我嗎？

眼見如此，亦不打算追究甚麼，本以為還有下一個接著來，
但等了半小時亦沒有，追問下才知已經賣哂了。
但卻從沒有人通知我，累我白等。

埋單時給了些小意見，其實我都明白vip唔可以得失，所以我
都只係要求佢地有人通知我，唔好要我白等，但那個經理跑過來
搶住講野，講埋一d不知所謂的藉口，又解釋話開左發覺唔得所以唔俾我，
但我想講我一直睇住師父開囉，就算只係得一份都應該俾我先，唔係俾遲來的
第二枱客囉，其實我只係想話冇人通知我賣哂而已，又何必解釋那麼多呢？

個經理一味自己係咁講，完全冇打算接受客人意見，實在好冇禮貌，只係為自己解釋，見到咁，都唔想再同佢講落去，只會浪費唇舌，無奈竟有這種服務於一間不錯的日本餐廳出現。

在此要讚師父刀功及手藝不錯，薄切刺身的確不錯，雖然係招待vip而特別製作，但十分用心，另外，那解釋給我知，可能vip一早預訂了的那位侍應生，他的解釋比較合理，而且一直很有禮貌，值得學習。

服務可以做得更好，其實服務同食物質素同樣重要，縱使食物幾好食，服務不週，始終有影響。由其日本餐應該特別注重服務和禮儀。