博多拉麵別天神 (已結業)

之前食过「别天神套餐」之后，一直都对「小龙虾蟹子沙律」念念不忘，同埋想试食新嘅「虾味噌套餐」，呢晚收工之后决定再战别天神。！.🥗小龙虾蟹子沙律一如以往般好味道！打碎左嘅蟹肉、蟹子、小龙虾同芥末等调味料混合，用紫菜包卷住小龙虾同蟹子欲品尝，口感爽滑，味道清新。.🍜虾味噌豚骨汤面第一次食虾味cross over豚骨汤嘅拉面，香气有啲似虾膏，但冇咁浓，汤面有啲虾干，味道少咸，同豚骨汤几夹。三块豚肉片，厚薄适中，好钟意大葱同粟米，平衡汤汁。.🔷总括嚟讲，食物种类不多，但胜在高质素，难怪吸引到好多年轻人嚟帮衬，六点半已经全场爆满，值得再次嚟光顾！.🔶同场加映，期间限定活动，将相po上Instagram，tag 5个朋友，follow ramen_betsu 可以换取日本制造嘅毛巾，质感好好，安心使用。