小火焰韓式咖啡廳 (觀點中心) (已結業)

辛苦左成个星期，礼拜六临做gym之前梗系揾啲好嘢食啦。咁啱女朋友又想食韩国嘢，咁就揾左呢间之前喺电视都有介绍过嘅炸鸡餐厅。不得不赞嘅系个冰梅沙律，完全有意外嘅惊喜，蕃茄沾上酸酸嘅梅子味道，两者配合得天衣无缝，完全冇违和感，钟意食酸野嘅我哋，食到停唔到口。睇完个Menu之后，就决定叫个招牌嘅熔岩炸鸡。个鸡炸得香脆可口之余，配合佢微酸嘅芝士，好能够引起人嘅食欲，再加上芝士唔太漏，令人食多几件都唔会有罪恶咁。喺韩国𠮶时食咗个水冷面，就好挂住，好食嘅水冷面冰冻得来又清新，好能够refresh食肥腻野嘅感觉。呢度嘅水冷面做得都几出色，尤其是我哋食咗好多炸嘢之后再食佢，感觉食多几round热气嘢都仲得。年糕炸鸡亦令人谂起韩国嘅味道，年糕烟烟韧韧口感一流，炸鸡系韩式嘅酸辣味道，令人忍唔住食多两旧。下次约多几个朋友你就可以食多几款嘢食啦。