好耐冇黎食呢間，一入去就係舊式茶樓既格局，仲見到有個紅色𝘣𝘢𝘤𝘬𝘨𝘳𝘰𝘶𝘯𝘥 有個好大既"囍"字，佢既擺枱比較密，不過好在枱與枱之間都有坐地既隔版，反而感覺多左少少𝘱𝘳𝘪𝘷𝘢𝘤𝘺。
🌟奶皇馬拉糕
次次黎都必點 "黑糖馬拉糕"，但因為今次人唔多叫唔到一底，所以只可以叫佢細籠既奶皇馬拉糕。味道比較普通，同出面食到既差唔多
🌟玫瑰雞
呢道好出名既玫瑰雞，又係皇牌。今次覺得調味比以往重手左，略微咸左少少，但係整得唔夠耐，咸味入唔到𝘥 肉，有𝘥 失望
🌟炸雲吞
佢既炸雲吞都幾大隻，炸得非常酥脆，裏面唔係包蝦，而係類似菜肉，比較特別。
🌟蒜蓉魷魚
佢既蒜蓉整得好好味，蒜蓉整到好碎，唔會食到蒜好辛辣既口感，但非常香口，配魷魚好夾。超好食!
另外仲叫左叉燒腸、水晶奶黃包、煎魚餅等等。
📍大榮華圍村菜
九龍灣宏開道8號其士商業中心1樓2號舖
