Farm Direct

营业中

休息中

今日傍晚我們行完旺角花墟經過見到有間專賣有機食物叫「Farm Direct」，我們見到有好多人喺度圍著間舖，我們覺得好奇，所以走埋睇吓好多人喺度揀一包包嘅有機蔬菜，另外我們仲見到有兩部果汁機擺咗喺個櫃檯度，喺個店員後面有掛著幾個餐牌嘅話係店長推介，就有啲好奇又覺得有啲口渴，就問吓個收銀小姐係唔係新鮮即搾嘅果汁？因為而家好多果汁店都聲稱話係新鮮即搾嘅都係溝糖漿！我們問緊嗰個店員有咩推介嗰陣，咁啱見到另一個店員沖咗杯綠色「青BB」嘅果汁畀人客，就覺得好奇怪，就問吓呢杯果汁係咩？可以飲嗎？佢話可以畀我們試飲少少！飲咗一小杯就覺得味道好鮮甜，好特別，即刻有一試難忘嘅感覺！所以就即刻買咗嚟飲！同埋問呢啲係咩？佢即刻好詳細介紹我話呢杯叫「綠汁」，有羽衣甘藍、哈蜜瓜同蘋果，味道好清甜，無苦澀嘅味道，而且有種心曠神怡嘅感覺，真係一試難忘！我們問店員咩叫「羽衣甘藍」，佢話對身體好，有抗癌同排毒嘅作用！總括：呢度嘅環境好乾淨衛生，店員嘅服務態度非常親切有禮，我們下次得閒必定會再嚟飲吓其他新配搭嘅鮮搾果汁！