真正豆腐坊 (已結業)

嗰日口淡淡，走左入去食粥，點知食到一肚氣入到去坐低……侍應大嬸：「食咩呀？」我：「一碗白粥呀，唔該！」大嬸即黑面：「白粥咋？」我：「係禁多！」佢即刻唔理我走左入廚房。當日好凍，見大嬸拎住碗粥出黎，大大碗，滿心歡喜，以為好好食，點知……白粥：一望落去，只見到白色嘅水，好似洗米水咁嘅樣，用羮撈起，先見到米飯，名符其實嘅「水浸飯」，絕對稱唔上甚麼「明火白粥」！咁稀嘅白粥就梗係唔多夠啦！所以叫多左個麥饅頭，唸住間間嘅饅頭都係差唔多，實冇衰啦……麥饅頭：賣相唔錯，漲卜卜，但一咬落去，又實又硬，要多幾個真係可以打死隻狗！！！呢個都唔係死因，main point係「凍冰冰」，饅頭最忌就係唔熱，擺過夜都蒸下佢呀，唔該！