麵屋豚豚拍子 (已結業)

喺横街，我 一直都无留意，同事讲起我都仲未知边间，不过都唔重要，有人带路就无问题。入到去有bar位同正常二人台，咁我地当然拣正常2人台，我点咗香蒜豚肉拉面，好快有得食，面质同平时食有少少唔同，系幼身啲，我都几钟意，豚肉唔肥又唔系好瘦几好, 仲有笋, 虽然有人觉得笋好毒, 不过我个人0黎讲就几钟意, 汤有0的味精, 跟餐点咗奶茶，系即冲三合一，好无诚意，不过落order时waiter 已讲明，所以我都无期望。生意似乎几难做, 68蚊Set lunch 仲有得储印仔, 50蚊1个印, 储6个就可当30蚊用, 门槛都低, 虽然Overall 唔高质, 但性价比都算高, 所以我见都几多人食。