影片
更多
2017-10-22
1345 浏览
星期六晚同亲戚食饭,稳稳阵阵食稻香超级一定冇错。六点左右人流还算ok，大多数客都系拣火锅，不过我地就炒小菜为主。蜜汁叉烧。色水热度都唔错，但肉质就感觉唔多新鲜。烧腩仔。呢个就very good啦。皮烧得好脆好香囗，肉入味又唔会咸过头，半肥瘦食出口感。沙嗲肥牛粉𢇁煲。香口够镬气，肥牛份量超出想像，所以略嫌粉丝唔够多。肥牛就有少少过熟，鞋鞋地，但可以接受。金沙什菌脆瓜，正呀！咸蛋王蓉作为酱料，送饭一流，而翠玉瓜炒得啱啱好，爽口。柚子蜜焗肉排，掂！肉排嫩口够入味，柚子汁甜甜地好夹，个汁完全唔油腻，又系一个令人不断爬饭嘅理由。翡翠鸳鸯蚌。双蚌好爽，配豆丶木耳同红黄椒都好味。粉葛赤小豆排骨汤，好饮！材料好足好香冇味精，份量足，六个人每人可以饮两碗。老实讲，呢餐饭嘅质素本来唔错，但因为人手短缺令到形象减半。落左枝啤酒要催。叫左三碗白饭又系要催，唔明点解最后白饭送上泥时已经冻左。叫左碟蒜蓉炒芥兰又系要催，催到变左腊味炒芥兰原来系人地果枱。再催结果话芥兰卖哂😰眼见人流愈来愈多但员工都系十只手指数得哂，最后都费事烦埋单自己走去cashier找数
蜜汁叉烧。色水热度都唔错，但肉质就感觉唔多新鲜。
烧腩仔。呢个就very good啦。皮烧得好脆好香囗，肉入味又唔会咸过头，半肥瘦食出口感。
沙嗲肥牛粉𢇁煲。香口够镬气，肥牛份量超出想像，所以略嫌粉丝唔够多。肥牛就有少少过熟，鞋鞋地，但可以接受。
金沙什菌脆瓜，正呀！咸蛋王蓉作为酱料，送饭一流，而翠玉瓜炒得啱啱好，爽口。
柚子蜜焗肉排，掂！肉排嫩口够入味，柚子汁甜甜地好夹，个汁完全唔油腻，又系一个令人不断爬饭嘅理由。
翡翠鸳鸯蚌。双蚌好爽，配豆丶木耳同红黄椒都好味。
粉葛赤小豆排骨汤，好饮！材料好足好香冇味精，份量足，六个人每人可以饮两碗。老实讲，呢餐饭嘅质素本来唔错，但因为人手短缺令到形象减半。落左枝啤酒要催。叫左三碗白饭又系要催，唔明点解最后白饭送上泥时已经冻左。叫左碟蒜蓉炒芥兰又系要催，催到变左腊味炒芥兰原来系人地果枱。再催结果话芥兰卖哂😰眼见人流愈来愈多但员工都系十只手指数得哂，最后都费事烦埋单自己走去cashier找数
张贴
