金象

長沙灣「金象」係全由兩名泰國人主理嘅泰國餐廳，所以以小店形式經營，可以見到廚師喺廚房即叫即整菜式，此餐廳並無收取全單10%服務費，但好貼心地每一張枱面都有擺放飲用水。

蟹肉炒飯（單點$78），表面鋪有胡椒粉，蟹肉味道鮮甜，略嫌比較散碎，炒飯食落好有鑊氣，飯粒口感粒粒分明，內有雞蛋、香蔥、乾蔥，配料包括有青瓜、生菜。

椰汁雞湯（單點$68），好足料，接近三分之二碗均為湯料，雞肉份量多，配料包括有車厘茄、海鮮菇、雞脾菇、芫荽、紫洋蔥。

雞肉沙嗲串燒3串（單點$52），雞肉口感外微微焦脆內肉質嫩滑，肉味濃香，食落帶有醃料鹹甜的味道，單吃已經好好味，配以沙嗲醬食用，味道濃郁，內有花生粒。

龍眼水（單點$22），龍眼味道清甜，略嫌龍眼水味道偏甜、甜度8.5分。