HIM (已搬遷)

身為失業大軍嘅我，近排專注嘅唔係搵工，而係四圍搵朋友周街吃喝玩樂，無計啦，以前太專注返工，家下覺得要爭取返時間去玩，哈哈。

今日就約左朋友去食觀塘嘅HIM，事關佢要係呢頭返工。

我地叫左個野菜雞肉炒烏冬拼燒汁八爪魚串($64) 同埋 香蒜辣味大蝦立貝炒意粉($70)兩個人齊齊分，每個餐可以跟沙律或者餐湯，另外再有一杯餐飲跟。

我地2個都叫左沙律，無計啦，天時暑熱嘛，沙律夠哂凍，沙律入面有蟹柳、生菜等，口感都幾豐富，再撤左D蟹籽係上面，食落卜滋卜滋，好食！

香蒜辣味大蝦立貝炒意粉

$70

本身望到個意粉以為會無咩味，事關唔似平時食開果D有D蒜油係上面。呢個意粉炒得黎無泛油光的黎，佢係有好重嘅蒜香味！但我唔覺佢有辣，唔夠出。大蝦都幾爽口彈牙，貝都算大粒，又有D黃椒、紅椒、西蘭花同紅蘿蔔伴下碟，係道幾健康好食嘅菜。

野菜雞肉炒烏冬拼燒汁八爪魚串

$64

呢個野菜雞肉炒烏冬拼燒汁八爪魚串同樣都係好充料，調味都幾好，咸甜剛好，仲俾左串八爪魚做餸，唔洗$70就落得場。

性價比好高，抵玩抵去。