1仔便當 (已結業)

落雨濕濕冇街去，一於約朋友仔返屋企食飯啦。幾個小朋友，我哋叫咗啲到會。ONE’S BENTO有各款套餐，多人少人都可以order。Menu選擇好多，派對小食同埋煎炸食物最吸引！！！小朋友最鍾意。我哋食咗椒鹽豬扒炒公仔面、炸唐揚雞塊同埋蟹肉薯餅，每一款食物都份量十足㗎。椒鹽豬扒炒公仔麵味道濃郁，公仔麵爽口，椒鹽豬扒都幾鬆軟，唔係炸到乾爭爭嘅豬扒。炸唐揚雞塊味道唔錯，點茄汁或者沙律醬都好食。蟹肉薯餅一定要即刻食，新鮮熱辣辣好味。下次多啲人嗌多啲其他款式試吓。