去到門口感覺有點親切，因為我好似好耐之前呢頭食過類似的粉麵。
我哋來到都已經係下午茶接近晚飯時間，人唔多
由於成大半日冇食過，我地都叫左好幾樣野食
1. 厚西多士，都真係幾厚，味道都唔錯，唔會炸得太燶。
2. 炸雲吞，剛炸起熱辣辣點埋個甜辣醬食真係一流，雲吞入面都真材實料，每隻都有蝦喺入面，一樣都唔會炸得太燶，剛剛好。
1
3. 朋友叫左碗四寶河，份量都幾多，佢最欣賞雲吞同牛丸，牛丸入面有黑椒，又彈牙。
4. 我叫左切腩四寶撈粗，我最欣賞個切腩，有牛味又淋，同埋雲吞都好好味。
5. 最後就係飲品，朋友要了熱檸樂煲薑，我就想試消脂青檸，其實係青檸梳打，都幾好飲。
可能太肚餓，我地全部清哂，一件不留，下次行過東大街都會再來。
