好叉好味 (J Senses) (已結業)

同事最近話我知灣仔船街新開左間好叉好味，終於唔洗行到去港灣道咁遠，而家連星期日都有得食啦~WOW Special Combo ($69)佢地推出左個優惠套餐，有齊主食、薯寶小食同飲品，味道有焦蜜、柚香、辛麻同爆蒜，我就揀左個焦蜜味雙拼菜飯 (+$6)，上面有隻燶邊太陽蛋，可以篤穿蛋黃撈飯最正，叉燒唔算太肥岩哂我，一層叉燒一層菜飯再加一層烤雞同一層菜飯，叉燒燒得香噴噴，加上蜜糖既香甜真係冇得輸，烤雞都好Juicy，小食方面佢地既薯寶即叫即炸，拎到返屋企仲熱辣辣，外脆內軟既薯寶好正呀~灣仔返工既朋友又多個午飯之選啦~