新宏泰燒味餐廳

孤獨的美食家又出場，中午放飯一條友搵食，呢間新宏泰燒味行過幾次都想試，門口又見到有乳豬，就入去試試啦。

2

餐廳環境算可以，d枱拍埋1邊留返條路俾人行，坐位唔算好多10張枱唔夠，但見有樓梯上樓上唔知係咪仲有上層坐位，同埋可能食物太香坐底有d小飛飛飛來飛去，睇下餐牌，除左燒味之外都有豬排雞排果d飯食，咁黎燒味餐廳正常唔會食果d掛，比較吸引我就係乳豬，乳豬飯只需60蚊，拼埋燒鵝都係68蚊，呢個價錢包例湯，唔飲湯轉飲品就要另加錢。

3

乳豬燒鵝飯
先講賣相都幾好，乳豬份量都幾多，係乳豬皮燒得燶左少少，乳豬都唔會太肥食落幾嫩滑，皮都好脆，係可惜皮燶左d有燶味扣少少分，燒鵝分到胸位有d肉食，就不算高質，皮唔夠脆但肉質都算鬆軟，皮下都有少許油脂食落唔會好鞋口，不過鵝香味都爭d，普通啦，飯就算軟硬適中，加埋d汁食岩岩好，份量都好足夠。

乳豬燒鵝飯

$68

例湯
跟餐送例湯，材料都幾多有d豬骨雞腳西洋菜，仲飲到d陳皮味，飲落都幾順口似無落味精，唔錯。

例湯

整體黎講我覺得食乳豬呢間餐廳係幾好既選擇，1黎唔貴2黎係元朗好多燒味店都唔係成日有乳豬食，其他燒味飯既價錢就同一般既燒味餐廳差不多，鍾意食乳豬既我都間唔中過黎再食下。