一起食堂 (域多利皇后街)

营业中

休息中

有朋自遠方來，打算入去赤柱行過圈。驚入到去冇嘢食，就索性係中環食埋先入去。喺中環一落車心血來潮想食台灣嘅，又俾我搵到一間喺附近咁就你試吓。叫咗一個飯一個麵同一客小食share，另外在嗌咗杯無糖仙草奶茶。啲仙草就預期之外，食落去有少少似涼粉。好彩其他熱食尚算振奮人心。啲老雞翼同豬耳好入味，滷肉飯亦肥瘦適中。個湯麵竟然係手打烏冬，雖然唔係台灣麵，不過我就冇乜所謂。個牛腱同埋牛肋條都好好食又夠大嚿又腍滑。貢丸就正常發揮。另外鹽酥雞係新鮮炸係熱辣辣粉漿好薄裏便啲雞肉超多汁，份量都好足食咗一半已經好飽。整體嚟講係中環呢個價錢呢個份量已經好滿足。