九龍城同撈同煲火鍋

营业中

休息中

💛冬甫美人锅汤底好足料，有桃胶、花胶、冬瓜、虫草花等等，滋补得来又唔会太浓腻，好清甜。唔系特别重药材味，无论男女都会好钟意饮，而且鸡肉系现场分件的。💛安格斯牛肉雪花分布好均匀，而且厚薄适中，所以落汤都唔会缩水得好犀利，食落口会有肉香，几好食。💛駌鸯滑分别系虾滑同墨鱼滑，两款都十分弹牙，食得出好新鲜。💛芋头腊味饺朋友话见到个饺子馅咁特别话想试吓，本身怕有少少伏，但食落口味道反而唔错，估唔到腊味同饺子都几夹。💛shake shake手工炸鱼皮叫咗蜜糖味，鱼皮劲大块，如果想均匀啲就shake𠮶阵顺便整开几块，系几特别嘅小食。💛即炸响铃系自己炸而唔系市面上卖嘅现成货，所以食落去会好食过出面好多，够大块，而且好脆口。💛蜂巢豆腐一如以往都系一眼睇得出系店入边自己整嘅，劲大块，咁样可以索晒啲汤，超好食。💛啫喱 怀旧糖不甩食到最后会有呢两款甜品送，系旧式嘅味道，唔错。