我也愛你咖啡館

营业中

休息中

好耐之前同朋友食過呢間餐廳，都已經覺得好好食。今次鄰居打完波話想過嚟試吓食呀咁就一齊去食。個Menu好似轉左，裡面大部分啲枱轉左做大枱，不過都保留原有嘅格局係坐得幾舒服。嗌咗四樣嘢食大家一齊分享。首先嚟咗意粉，個汁有少少辣係幾醒胃。另外值得一讚係啲蝦係冇蝦腸，呢個就唔知係自己挑定係來貨已經係咁，不過都值得俾個讚！個人就唔係好鍾意佢有橄欖，但係呢碟意粉裏便雖然咁多橄欖，但食落去又冇嗰種超鹹嘅感覺。之後嚟咗個炸粟米球，初頭以為中間會有餡。點知原來全部都係粟米，感覺係幾特別，算係手工嘢。另外個多士中間夾雜咗超濃厚嘅芝士咬落去勁邪惡，雖然外貌好似整到好燶，但係完全冇一種過火嘅感覺，整爛埋隻蛋夾埋嚟食又係另一個層次。最後上嘅漢堡，之前未食過，但係我想話食過一定會愛上，佢係雞肉漢堡，但係一啲都唔嚡。裏便仲有雞軟骨又有咬口又多汁，真係要讚一讚個廚師喺呢方面處理得好好。雖然好耐冇嚟食，但係水準都冇變啲嘢食表現得相當有水準。