煎餅廚房

营业中

休息中

呢間煎餅工房已經開咗好耐，由以前好多年前已經見到。未知天津嘅煎餅，可以選擇唔同餡料，即叫即制，食一份都飽晒😜-✅✅烤鴨煎餅。最好食都係呢款。首先餅皮軟韌軟韌，打隻蛋落去一齊煎幾有蛋香。鴨肉就係將片皮鴨搣絲，落嘅份量都好多，最緊要加埋青瓜同埋甜麵醬😚就好似食緊一個放大版片皮鴨咁😌 最好食係有薄脆，另口感更豐富！夾埋一齊食真係爆餡，滿足滿足。-✅沙爹豬梅肉煎餅。沙爹豬梅肉的豬肉唔會太趕，撈埋沙爹醬食味道好夾，不過沙爹醬可以更重花生醬味😂 豬梅肉當日又唔算太肥，唔會有五花肉個d肥邊。加洋蔥香菜青瓜🥒清爽d，撇除豬肉的膩。-🆗孜然羊肉煎餅。呢個比起其他冇咁中意。佢地肉的份量都一如既往比得好慷慨的。不過呢款調味上只有孜然，質感上會乾啲。食到羊肉本身的騷味☺️愛羊之人可以接受，味道就係食原材料的味。-✅老椰子沙冰。覺得佢係椰奶沙冰，多過純🥥，味道有d似而家好多人飲個d國內椰奶感覺。有啲甜的，但都好滑。-✅✅波羅沙冰。超解暑☀️用的🍍幾蜜甜，整出來好香甜，好飲！-✅木瓜牛奶。好難係香港搵木瓜奶！呢個都算合格架啦😬因為奶香好香濃，飲落木瓜未至於太淡，當然唔夠台灣的咁甜，但都有木瓜味，我超鍾意切木瓜奶的都收