鬼混 (已搬遷) 新店位置

放假約埋朋友食個下午茶，傾下計，叫左個二人set $398，一上到好靚。野食方面我叫左伯爵茶，可以叫其他飲品有$20折扣。通常食下午茶我最中意食咸點先！日本和牛多士，多士烘得香脆，和牛入口嫩滑，油香豐富。鴨肝朱古力馬卡龍，平時好怕食馬卡龍，因為太甜，加左鴨肝中和左，好食。忌廉芝士酥皮盒，香脆酥化，香濃creamy。煙三文魚牛角包，煙三文魚好香，加左青瓜和蕃茄增加口感。斯尼蘭卡紅茶燉蛋，蛋香味濃，好滑，茶味好突出。野莓果醬比利是窩夫，野莓果醬超級好味，有少少乳酪，酸酸甜甜咁，窩夫外脆內軟。