Billidart Restaurant & Bar (已結業)

今日同幾位朋友搵間環境chill chill 地，又茶記午餐價錢嘅餐廳食飯。呢度中午有好扺食嘅午餐，水準都唔錯架，大概$60-80有午餐，包杯飲品，另外仲有餐湯任飲。其中個中式牛柳意粉🍝好多牛肉。非常好味🤤而牛排煮得岩岩好，唔會過火；係呢度又可以配意粉或者飯或者薯條。黑松露三文魚白汁意粉賣相都唔錯，朋友食完就話其實可以比少啲意粉，份量好大碟。滑蛋鰻魚飯碟上賣相就差咗啲，完全唔知道係因為舊飯太大嚿定係條魚太細條😆 不過個味道都好好嘅 😂