俺流亭 (雅蘭中心) (已結業)

呢排天寒地凍，最好就食啲熱辣辣嘅嘢不過我哋成班frd星期日晚係旺角無book位又好難搵到餐廳打邊爐，唯有退而求其次睇下有咩其他選擇咁岩我地行到雅蘭見到呢間俺流亭，見唔洗等位又有得食下熱辣辣嘅湯烏冬，一於就試下佢呢間餐廳好在有唔同嘅烏冬配搭俾你任君選擇，先揀湯底，再揀配料，如果有選擇困難症嘅人亦有已經配搭好嘅組合俾你揀我自己就叫左四樣餸：叉燒、雞肉、芝士竹輪同糖心蛋，湯底就揀咗清清地嘅醬油鰹魚湯。配料方面我覺得雞肉係抵食嘅（$10有三大件，肉唔算滑但都唔鞋），其他就正正常常，糖心蛋我略嫌唔夠入味，鰹魚湯底我就覺得幾好飲，而重點烏冬都算煙韌。而其他朋友有叫豬骨湯底，我試左就覺得偏鹹同油膩，大家可以就番自己口味自行選擇