太子嗰度 (已結業)

睇到食評話呢度新開，覺得應該唔錯，就黎試下。一入到去可能剛剛開門，所以一個人都冇，侍應上前招呼，服務唔錯~焗芝士大啡菇釀黑松露意大利飯：大啡菇焗過之後，菇味適中，有香味，唔錯。但焗芝士呢方面就完全唔覺，名稱應該係芝士焗大啡菇釀黑松露意大利飯，因為佢用既芝士係平價芝士粉再灑上飯面，芝士唔香唔濃烈，純粹裝飾一樣。黑松露味唔夠香濃，個sauce唔夠濃，即使一上菜都冇嗰種撲鼻而來既松露香氣，食落清清淡淡過得去啦，意大利飯整得唔夠硬身唔夠正宗。唔記得咩名既煎魚，非常普通，話煎過焗過，但食落只感到煎過，煎得幾香，只係味道似我媽平時屋企煮既煎魚一樣，完全唔值98蚊個價。打卡送甜品，焦糖燉蛋，奶凍。燉蛋零蛋味，蛋汁整得太稀，食落好水，仲因為焦糖落得太多而有一陣焦味，似茶味咁，焦糖太厚唔夠薄，非常之伏。奶凍零奶味，質感正常偏水，食得出冇落過多既魚膠粉整，可以一讚，只可惜食落只有酸味，食左一半頂唔順唔食。侍應服務態度唔錯，問多幾句都唔會嫌你煩，不過男侍應講野好似含住舊飯自己同自己講野咁，聽唔清楚。總括而言，食物不過不失，但價錢略高，2個人埋單$197，質素味道唔值呢個價，咁既價錢我寧願去食個拉麵好過，如果