悠閑閣餐廳 (已結業)

前排去開個頭，順便食下，一段時間冇去， 原來已經轉左餐牌。早餐未轉，都係咁抵食，三十蚊有肉有麥皮，仲可以嘆番杯熱咖啡。午餐，就調高左價錢，大慨45元以上50幾60較多。不過我都係鐘情蛋包飯。我個日去時約兩點幾。客大慨半場滿，眼見其他人想叫野或埋單，都冇人理，應該話係唔得閒，竟然得一個人係樓面跑來跑去，我都唔敢煩佢了。以為午市咁慘一個人做，原來有兩個去左淋花？之前得閒都會來食，感覺一般啦好似去左茶記食飯，落單態度冷淡又大聲，一來到就話:食咩？感覺冇乜禮貌好唔舒服。佢講野唔正我聽唔清楚，想佢講多次，塊面更黑，好似好阻佢時間咁。可能我黑仔啦呢度雖然叫悠閑閣，但我又唔覺囉，反而員工悠閑就真，打牙骹多過做野。眼見出餐位滿晒野，飲品又放到冰都變水。ladies餐廳女人多就多野講，不過都應留意聲浪同客人叫野出餐等等，唔好兩個堆埋吹水係自己世界。食物方面，湯每日得一款，南瓜或磨菇，如有多一款或其他口味更好。當日係我喜歡的磨菇湯，同行友人話賣相好似嘔吐物同味道偏淡，我個人覺得味道ok 有口感，加埋蒜蓉包食好好味我點左蛋包飯，朋友點左卡邦尼，都好好味。印象係$55&$45左右。 飲品熱咖啡，熱mocha，