越廚 (已結業)

有一天，途經屯門的建生邨，本身自己都好中意食越南的美食，所以見到越南餐廳就情不自禁入去試試。
餐廳的環境都尚算整潔，但可能因為都係街坊生意，吾預你坐好耐，所以都係最基本的枱同木椅子。
今次，我選擇叫左一個香茅豬扒撈檬粉，加一杯凍朱古力。香茅豬扒的尺寸都算正常，但略嫌煎/炸得吾夠香脆。即使我食的係撈檬，本身無湯，都覺得塊豬扒淋身左少少，所有尼一方面就略遜一籌。
檬粉同個撈汁都係預期之內的表現，檬粉爽口、乾身，撈汁酸酸甜甜，吾會覺得辣。可惜，撈汁的樽口過細，有時D渣會阻礙到D汁倒吾到出黎，不過都係小事一椿。