富臨漁港囍臨門酒家 (已結業)

掃墓後嘅例牌節目就係飲唐茶，在黃色暴雨生效期間喺酒樓裏經歷了一個半小時的天暗至天光 ... 直頭就似人生嘅奧義呀！富臨嘅出品就有如人生，總是有驚亦有喜，恰巧今天嘅食品質數唔可以講係差，但係服務人手是極不足夠，收碟加茶等事都無人跟！脆皮燒腩仔:五花腩肉層層明顯，皮脆肉軟唔會鹹到死，偶爾食到有大肥膏也不覺膩！海蜇分蹄:看外表都覺得幾靚，分蹄厚肉，帶幾分酒香，肉質帶有質感，海蜇肥大，但是質感並不是爽口那類，重麻油味！素腐皮卷:唔油又多豆香，腐皮炸脆好酥香，雜菌豆豆餡味道滑溜舒服！燒賣:有半肥瘦豬肉做餡，打得彈牙起筋，還有蝦肉碎上！牛肉球:無鹼水味，唔會軟死無囗感，多少都有肉味存在!豉汁蒸大腸... 件數唔夠分，我無份食，聽聞好鹹又好韌！鹹茶果:是眉豆餡，外皮軟滑有彈性!芒果糯米糍:外型夠搭，糯米皮能做到應有嘅口感，反而芒果餡味道較淡但是好甜!飲茶其次，聯誼才是大，難得今餐飲茶質數叫做沒有失禮於親人，這地區是比較難找到好茶樓~