Green Waffle Diner (形點) (已結業)

疫情之前成日过嚟tea time，呢几日嚟食左次，愈来愈差呢间野，不会再有下次！首先讲服务，入面明明好多枱空，企系门口都冇催佢地，等左十分钟侍应们望到继续冇人理挂住吹水。入到去落单，挥极手冇人理，继续吹水，之前已经嚟食左好多次，见冇人理咪叫老细落单啰，点知黑面仲要冇礼貌到不得了，落完叫我 : 下次自己用qr code落单啦！哈，入座冇人讲，既然好意思收人10%仲叫人自己落单，西利，真系自助都冇咁嬲！tea time冇乜人，waffle唔系即整都算啦，嚟到仲要硬到呢。ok，当我唔好彩 ！咁饮咖啡，叫左一杯latte同一杯热美式。哇！又酸又涩，奶又唔够热又唔够滑，真系唔知系佢唔识冲定我唔识饮，哈！疫情之前冲咖啡个妹妹冲得好好饮又nice，最近呢几次嚟先发现佢已经冇做，本身都系因为佢所以成日黎，而家佢冇做就更加唔洗嚟！食物唔讲，净讲服务态度已经离晒谱，极度怀疑佢嘅好评系咪刷出嚟！