Puni Puni Cafe by Izumi Curry (已結業)

點左兩個晚飯套餐，咖啡芝士漢堡排飯同炸豬扒咖哩飯，但上菜時候太耐，而且工作人員服務態度偏差。等左差不多20分鐘，其中一個咖哩芝士漢堡排飯先上枱。30分鐘後，我差不多食完，另一個飯炸豬扒咖哩飯都仲未有喎！其間兩次追單，但都係問左之後工作無跟進，亦無無回覆。我食完，我同伴都仲未有得食，最後惟有取消，埋單，走人。透過廚房玻璃，見入面行行企企。無咩野做，唔明點解要等咁耐，仲要等唔到。坦白講，唔係地縛貓太可愛，根本無特別。食物普通，件漢堡排都幾硬，係唔值嗰個價錢。