影片
更多
2010-03-13
6 浏览
每次朋友问师傅守边个环头, 当师傅讲完之后, 第二句就一定会问师傅有冇黎过呢度食野, 师傅当然未黎过啦, 咁佢地就话一定要试, 于是师傅就铭记于心, 一定会揾日黎会一会佢, 睇下系咪咁劲先! 前前后后都经过左好几次都冇入过去, 皆因次次都几鬼多人, 所以都迟迟都未试过! 终于喺上个礼拜, 师傅一兜友经过呢头, 加上又唔知食咩好, 仲要见到呢度冇人排队, 喺无心插柳下, 就决定入去呢度一试; 去到门口, 师傅以为冇人排队唔使等啦, 点知都要喺门口企一阵等一阵!入到食店, 一条友嘅师傅当然要撘枱啦; 坐底当然系第一时间睇下有咩好食啦, 左睇右睇师傅就觉得选择好少, 加上价钱唔平, 真系几难拣得落手; 但既然坐底左师傅唯有硬著头皮落单, 于是就柯打左一碗辣味面豉拉面, 其他咩都冇叫喇!等左一阵碗辣味面豉拉面就登场, 而同时间侍应亦奉上一只鸡蛋, 但师傅明明冇叫, 唔通送嘅? 唔好理咁多, 食左先讲; 第一眼望埋去发觉碗拉面好细, 再睇真d真系好细碗, 对师傅黎讲呢碗野一定唔饱, 不过都要食架啦; 第一啖当然系试下个汤底啦, 汤底浓浓的辣辣的, 几惹味; 再试下个拉面, 面身烟烟韧韧, 烟韧得
终于喺上个礼拜, 师傅一兜友经过呢头, 加上又唔知食咩好, 仲要见到呢度冇人排队, 喺无心插柳下, 就决定入去呢度一试; 去到门口, 师傅以为冇人排队唔使等啦, 点知都要喺门口企一阵等一阵!
入到食店, 一条友嘅师傅当然要撘枱啦; 坐底当然系第一时间睇下有咩好食啦, 左睇右睇师傅就觉得选择好少, 加上价钱唔平, 真系几难拣得落手; 但既然坐底左师傅唯有硬著头皮落单, 于是就柯打左一碗辣味面豉拉面, 其他咩都冇叫喇!
等左一阵碗辣味面豉拉面就登场, 而同时间侍应亦奉上一只鸡蛋, 但师傅明明冇叫, 唔通送嘅? 唔好理咁多, 食左先讲; 第一眼望埋去发觉碗拉面好细, 再睇真d真系好细碗, 对师傅黎讲呢碗野一定唔饱, 不过都要食架啦; 第一啖当然系试下个汤底啦, 汤底浓浓的辣辣的, 几惹味; 再试下个拉面, 面身烟烟韧韧, 烟韧得黎都算爽口, 可以; 而附上叉烧两大块, 冇错真系两大块, 少得真系可怜, 喺𠮶一刻师傅觉得好似去左乞咁, 感觉难受; 再讲两块叉烧并唔系特别出色, 肉身颇瘦仲带少少硬, 加上干身唔腍, 唔掂噃!
再试埋只鸡蛋, 以师傅估计, 呢只应该系半熟嘅糖心蛋, 咬一啖发觉只蛋好滑, 而内里嘅蛋黄系半溶, 蛋黄汁不断外流, 几好味; 食到咁上下师傅都知唔饱于是就柯打定煎饺子, 煎饺子一客有五只, 真系即叫即煎, 等左一阵热辣辣咁放左喺师傅面前, 于是师傅急不及待就食左一只, 发觉饺子好得, 皮薄馅靓, 个皮系唔会煎到硬晒, 但系就煎到有少少㶶, 香得黎亦唔硬, 好好味, 值得一赞! 前后食左三样野, 师傅先至食饱!
总括黎讲食物质素可以, 环境地方好细, 服务态度亦算友善, 价钱就偏贵, 五十八碗拉面仔, 八蚊只蛋, 煎饺子就三十八, 百几蚊食个晏仔似乎贵左D㖞! 但师傅最唔明系冇叫到只蛋, 但竟然计左落张单度, 虽然系好味, 但好似有少少屈机! 师傅好肯定咁讲呢间食店一定唔会再黎, 并唔系食物唔得, 只不过觉得不外如是, 冇咩咁有吸引力, 加上太贵唔化算; 如果要食拉面, 师傅首选还是八王子, 但平心而论, 呢间第一次亦系最后一次黎嘅食店, 笑脸仍然值得一比!
张贴
