Grove Cafe (已結業)

偶爾需要去HKU 搞d 野，食飯時其實我就主張一場黎到不如食d student canteens，因為一段時間之前又係過開黎呢邊我去過其中一個canteen，d tea 好抵食。但係今次d 同事則覺得頹得滯，話百周年呢邊有例如delifrance / 一粥麵呢d 起碼正常餐廳，最後大家揀左食呢間grove cafe。排隊叫餐，佢會在叫完餐後有舊類似麥當勞送餐果d sensor 俾你，我心諗咦都幾好wo 有埋送餐......但原來係有得拎你份餐時就會震同閃提示你，即係都要自己攞...個日式叉燒拉麵賣相一般，湯底無乜特色同埋唔係好夠熱，總之就係快餐店會食到既味，麵底仲要黐埋一舊。d 叉燒碎碎地，又薄切。加$8 可配埋餐湯同田園沙律，佢會寫明今日係乜野湯，是日係南瓜湯。個湯ok，但沙律得果少少...由於唔夠食，我另外叫左盒迷你鮮果杯，係個雪櫃度自己攞去俾錢。呢個則唔錯，因為雪住，好夠凍，同埋d 生果都甜。走果陣要嚴守自己執盤！如果唔係有個職員會截住你...