大快活 (置富南區廣場)

营业中

休息中

今日午餐唔夠飽，勉勉強強又挨到下午茶時段。原來我都有四五年時間冇幫襯過大快活。。。因為屋企附近都好似冇大快活。。。睇餐牌，三十蚊樓下都有個茶餐，都幾實惠喎！今日叫左個A03碗仔翅、咖哩魚蛋($24)，再另外加配是日湯米粉：雪菜肉絲米粉(＄7)。加埋就31冇餐飲，呢個地段算係咁啦。雖然一大張海報寫住晚市有送餐服務，但下午茶係要拎住張單去櫃面自取。米粉比我想像中大碗，口感不能要求大多。咖啡魚蛋有六粒，幾大粒，雖然醬料多，但唔太入味同唔辣。碗仔翅略淡味。