日月星辰 (已結業)

今天剛於屯門和朋友睇戲，就佢於大興邨附近等，順便食過快快趣晚餐，佢就介紹一間叫日月星辰嘅小店，門面ok入到去都好闊落，由兩個月年輕人打理，嘩睇下營業時間竟然係由朝早六點到夜晚兩點，佢哋真係好魄力；坐落就好快趣咁樣點咗肉鬆起司蛋餅，加薯條，再加杯百香果活乳酸梳打；再點招牌鹽酥雞加魯肉飯，再加隻太陽蛋和一杯無糖嘅冷萃伯爵茶，跟住見過刈包幾特別，就叫咗個蒜蓉豬腩肉刈包；雖然佢得兩個年輕人做嘢但好快趣個蛋餅餐就嚟咗喇，個蛋餅新鮮煎起，蛋面面仲有小小脆，而且外脆內軟，還有少少拉絲；薯條就當然十分之脆喇，個百香果乳酸梳打，就真係好醒胃；跟住個鹽酥雞滷肉飯都好快趣嚟到，旁邊仲有啲酸菜青瓜粟米等伴碟，食落都好有台灣風味，值得一試；杯冷萃冷萃伯爵茶，就應該用茶分開嘅，但飲落都好有茶香都算合格，而個醬爆腩肉刈包，包面算林包底有啲硬，但係食落都還可以；最後見甜品糖水只係十蚊，咁就試咗個香芋紫米露。我哋好快趣咁樣，食完個晚餐，跟住一條直路行返出去凱都戲院睇戲。