卓越食品餅店

营业中

休息中

平時經過見到啲老人家排住隊買，今次終於忍唔住買個嚟試吓！款式好多，有唔同口味嘅燒餅、砵仔糕、蛋散、馬仔、糯米糍。揀咗最近好hit嘅開心果糯米糍～皮薄餡靚有驚喜！個皮軟綿綿煙煙韌韌係我鍾意嘅口感。開心果剁得好碎，食嘅時候好遴迍，但係爆料嗰下好正，亦唔會太甜。睇門面應該係一堆姨姨嬸嬸自己經營，手腳唔會特別快，同埋只收現金，唔趕時間嘅可以感受吓隱世小店嘅味道～其實有時望到一間間連鎖嘅舖頭當中，發現仲有自家經營人手製造嘅良心老店，都幾感動。$8一嚿，當中嘅心血已經唔係利潤去衡量。