咖喱鄉里 (已結業)

最近成日去觀塘，多咗機會係 APM Food Court 搵食，今次就揀咗食印度菜，唔知點解，Food Court 總有一檔是印度菜，還可以睇度師傅點樣整印度薄餅。這個 Food Court 長時間滿座，要找好位子，再輪流去買票等取。餐牌上和食物櫥櫃都陳列咗好多款式，真係花多眼亂。最後叫了雙喜臨門的套餐。叫雙喜大概是因為有兩個千層酥，再加兩款咖哩選擇，雞或羊，再配是日雜菜，奉送汽水。怕辣的我，不敢大啖大啖吃，不過原來沒有想像中咁辣，而且咖哩味不太香濃。對於我來說也是一件好事，太辣我就食唔到。用得來整咖哩的雞多數也不是滑的部份，所以沒有太大期望，內裡不夠水份不夠嫩滑也是意料中事。而是日雜菜也是咖哩的，兩個咖哩比較之下，無論色澤和味道也不同， 咖哩雜菜，味道好一點，內裡的雜豆，蘿蔔同薯仔好腍。用千層餅就整得好香，不算太油，有好多層，吃起來很鬆。以四十多元一個特色餐來說，算是可以接受。