雙鳳車仔麵 (已結業)

由於附近有好幾間車仔麵店，所以一直都未試過呢間，路過左N次，落雨係屋企見到有外送服務，就決定試下佢。餸嘅種類有好多，我地分別叫左2碗，共8個餸，就一於逐樣試食下，睇下邊樣最好味喇1）陳皮辣魚蛋出面嘅陳皮魚蛋強數都靠汁，魚蛋本身會無咩味，所以我一向麻麻地。但鐘意食魚蛋嘅我又好想試下，就點左佢，估唔到好入味，而且都彈牙，辣度唔會辣到飛起2）豬紅夠入味3）滷豬腸好入味，係幼身嘅豬腸，但顏色比較深，仲深色過豬紅4）酸齋夠酸嘅，但好似唔係好襯車仔麵5）粟米餃麻麻地6）蘿蔔好甜，夠淋，好味7）滷蛋好夠味，朋友話最好味，但$7隻略貴8）滷雞翼尖入味總括黎講，所有滷水嘅餸都好夠味，湯底好似係胡椒湯，加埋沙爹醬唔錯！外賣仲會分湯，湯碗面貼有自家貼紙，是與別不同嘅小店呢！