今次去試新餐廳！係火鍋🥘、串燒🍢加烤魚🐟🔥🤭🤭 啱晒最鍾意打邊爐，又鍾意食辣嘅我🌶️
其實尚熂已經開咗兩個幾月，不過唔係好多人認識。第一次去，梗係要咩都試吓😙 嗌咗『尚熂三寶』，可以滿足晒我三個願望🥰🥰 包括有：招牌秘製花膠、巴蜀烤魚王、川式燒肉串。
「招牌秘製花膠雞🐥🥘」
- 第一個上枱就係花膠雞窩！有原隻雞同埋濃郁的花膠湯😍 雞唔算好大隻，但係兩個人食已經好足夠。店員首先會建議先享用花膠湯嘅精華，一碗濃郁嘅花膠湯加上大大片花膠😍正！花膠湯未至於好黏口，但係花膠數量十足😍超正！我哋食晒成隻雞🤣
「巴蜀烤魚王🌶️🐟」
- 我哋叫咗麻辣中辣。起初擔心唔夠辣，但係店員話唔夠可以再加就放心晒😇 烤魚好足料！除咗有一整條大魚之外，仲有豆卜、芽菜、青瓜等等嘅配料。魚肉好滑好鮮甜，辣味十足！我哋最後叫咗啲火鍋料放入去打邊爐🤣🤣 驚喜地唔會好油膩，覺得啱啱好！啱晒重口味人士🤣🤣
「川式燒肉串🍢🔥」
- 我哋揀咗牛肉🥩、羊肉🐑、雞肉🐥串！三串串燒都有好香濃嘅辣味同孜然味。自己最鍾意係羊肉串！雖然調味香濃，但都無掩蓋到羊臊味😍個人幾鍾意！另外雞串亦都香濃多汁，唔錯😝
『尚熂三寶』二人套餐只不過係𝗛𝗸$𝟲𝟱𝟴，十分抵食！另外仲可以叫其他火鍋材料同串燒！我哋叫咗少量肉類同蔬菜。記得要叫佢哋自家製花茶😍 我嗌咗洛神花花茶，好濃好足料㗎！
餐廳闊落，店員服務都好好！有興趣記得嚟試吓啦😉
