燒得棧 (已結業)

雖然返唔到大陸食串燒，但紅橋附近總有多間串燒舖頭在附近，令人愛不惜手！小弟因見食評有較多好評，結果擔粗粗外賣了接近600元的串燒回家食！ 落單叫外賣時，舖面得兩位女人係舖面到一腳踏，真係辛苦了! 比完錢叫我25分鐘後黎拎結果我足足等左50分鐘先搞掂，係咪收完錢就慢慢黎？雞翼：老實講句，唔似串燒既味道，似係煎出黎的味道，唔好食燒蠔：真心講句 冇蠔殼，單馮外表黎睇又細隻，只靠醬汁既味道搭夠！失敗之作其他串燒都有一個共通點，就係齋串燒 完全冇落任何孜然粉，只有兩盒類似七味粉既野！即係點？食果時要我自己慢慢點七味粉黎食?如果齋串燒，我自己屋企都有爐，自己整都得，真心後悔浪費錢 又浪費我時間，唉！比較唔難食既 我諗係雞軟骨，不過都係普通冰凍野，開爐炸 屋企都做到！還有一味叫 原隻燒魷魚，呢味餸要88蚊，味道尚可，對得住個價錢總括來講，呢間野價錢貴，食物質素麻麻，唔值得一試，相反如果去屈臣氏 隔離橋底果間串燒就會抵食好多 貼錢買難受，非常後悔!