幸福週末 (已結業)

周末嘅中午，黎到旺角高氏大廈試下幸福週末！下午嘅兩點，暫時唔洗點等。餐牌主要分黑糖系列、養生系列、水果系列、清新系列四款。今日就決定試下佢地嘅招牌 黑糖珍珠海鹽鮮奶。呢個mega size 嘅手搖杯造型初初仲以為係裝飾品。原來黑糖珍珠係呢個位置炒出黎ga!黑糖珍珠海鹽鮮奶$30有海鹽同無海鹽都$30，梗係加啦～奶泡上有經火槍燒到微焦，黑糖珍珠落得絕不手軟，總共兩大勺。另外我留意到呢間店係採用明治牛奶！飲落啖啖珍珠，珍珠Q度煙韌，奶味香濃。另外一杯就叫咗季節水果茶 $32茶味較淡而且偏甜。相較之下黑糖珍珠海鹽鮮奶就較為出色一d!