Brick by Brick (已結業)

【🇸🇬Brick by Brick｜⭐️充滿驚喜的肉骨茶】SOHO區有間坐落於橫街小店，店內充滿外國朋友，大家都清一色點肉骨茶，我都唔執輸去試試。.《二人晚餐》👍🏻砂煲肉骨茶（有驚喜）湯底又甜又濃，藥材味好實在但好易入口，感覺好沈實舒服，記得放埋卜卜脆嘅油炸鬼入湯，浸一陣再食，脆口依然但又索曬湯汁。排骨充滿驚喜，份量都多，好腍好好味，豬骨經過長時間慢煮，好運嘅會遇到連骨都煮軟曬嘅排骨，可以輕鬆啜到骨髓，幾乎全食得落肚。客人可以揀米粉或白飯。店不設加湯，特別珍貴，你一定會飲得曬並有大大滿足感！.👍🏻珍寶大蜆拼海鮮叻沙傳統「參參」即油面+米粉，湯底天然海鮮甜，辣味椰奶味較輕，食之前唧埋青檸汁，更能帶出鮮味！卜卜大蜆新鮮清甜，芽菜爽身，整體味道唔錯呀！.👍🏻脆炸一口雞無骨雞肉啖啖肉，炸得金黃，灑上話梅粉有份微酸開胃感覺。..👍🏻黑白啤三得利Suntory黑啤近年大Hit, 佢嘅焦糖咖啡口感深得女士喜愛，呢度有得飲50/50 half half 即一半黑啤一半白啤，味道較清，但仍保留著黑啤濃郁厚實嘅麥味，同肉骨茶完美配搭。.👍🏻桔仔話梅梳打唔飲酒可以試試自家制特飲，桔仔酸酸甜甜加埋話梅完全合襯。