亞玉冰室 (已結業)

炒公仔麵或者河粉個啲就食得多！炒通粉真係已經愈黎愈少地方見到🥹 平時都係飲經典經豆冰，呢到仲要有成多達五款大大杯紅豆冰比你揀！冰室黎講真係唔簡單😍

💛黑椒牛肉炒烏冬 [轉炒通粉] ($57)
濃濃嘅黑椒香味真係令人流晒口水🤤 通粉炒得乾身之餘，成碟仲要充滿鑊氣！牛肉份量都幾多，食落仲唔會韌😚 蔥同洋蔥份量都唔少，撈埋一齊炒真係好香！但如果唔食嘅話記得走咗佢，唔係有排挑🤣

黑椒牛肉炒烏冬 [轉炒通粉]

$57

💛瑞士汁豬頸肉炒丁
豬頸肉塊塊都好大塊，咬落爽口！而每一條麵嘅瑞士汁味都好濃同均勻，唔會有啲過鹹，有啲又冇味😆 呢款就相對冇炒到咁乾身，間唔中過下口癮都不錯😗

瑞士汁豬頸肉炒丁

$54

💛柚子七喜 (+$6)
呢個配搭估唔到係咁夾！平時一係柚子茶，一係柚子梳打。但原來轉咗做七喜嘅時候，係七喜味之間又夾雜啲柚子，成件事好fresh，又有啲咬口，值得一試🤩

💛奶茶紅豆冰 (+$10)
紅豆冰極大杯，基本上飲完佢都飽咗一半！飲經典經豆冰飲悶咗，呢款奶茶紅豆冰就試試佢。可以將兩款港式飲品融合一齊簡直係一次過滿足兩個願望！味道新奇，仲有咖啡同華田紅豆冰可以一試👍🏻

奶茶紅豆冰

💛樣樣份量都好大，食完真係飽到捧住個肚走😆
————————————————————————
🌼評分：5個🌕為滿分
🫧味道：🌕🌕🌕🌕
🫧環境：🌕🌕🌕🌗
🫧性價：🌕🌕🌕🌕🌗
🫧回頭：🌕🌕🌕🌕🌖
⏰限時：NA